នៅថ្ងៃទី១៤ ខែកក្កដា ឆ្នាំ២០២៤ នេះ គណៈគ្រប់គ្រងសាលារៀន អន្តរទ្វីប អាមេរិកាំង ចំនួន៣សាខា ទួលគោក ចាក់អង្រែ និងសែនសុខ បានរៀបចំពិធីប្រគល់វិញ្ញាបនបត្រលើកទី២៨ ជូនដល់សិស្សបញ្ចប់ការសិក្សាថ្នាក់មតេ្តយ្យសិក្សា ឆ្នាំសិក្សា២០២៣-២០២៤។ ពិធីនេះប្រព្រឹត្តទៅក្រោមអធិបតីភាពលោករឿង សុភាព អនុប្រធានសាលារៀន ទទួលបន្ទុកកិច្ចការប្រតិបត្តិការ នៃសាលារៀន អន្តរទ្វីប អាមេរិកាំង ព្រមទាំងមានការអញ្ជើញចូលរួមពីសំណាក់ គណៈកម្មការសាលា លោកគ្រូ អ្នកគ្រូ សិស្សានុសិស្ស មាតាបិតា និងអ្នកអាណាព្យាបាលសិស្ស ព្រមទាំងភ្ញៀវកិត្តិយសយ៉ាងច្រើនកុះករនៅសាលប្រជុំ ផល គួច អគារសាលារៀន អន្តរទ្វីប អាមេរិកាំង សាខាទួលគោក។ កម្មវិធីនេះធ្វើឡើងដើម្បីជាសក្ខីភាពសបញ្ជាក់នូវការបញ្ចប់ការសិក្សាថ្នាក់មតេ្តយ្យសិក្សា និងដើម្បីជាចំណងអនុស្សាវរីយ៍ក្នុងការសិក្សារបស់សិស្សានុសិស្សដែលបានបញ្ចប់ថ្នាក់មតេ្តយ្យសិក្សាដោយជោគជ័យនៅសាលារៀន អន្តរទ្វីប អាមេរិកាំង។
សូមចុចតំណលីងដើម្បីទស្សនារូបភាពបន្ថែម៖
អង់គ្លេស
ខ្មែរ