នាថ្ងៃទី១២ ខែសីហា ឆ្នាំ២០២៤នេះ សាលារៀន អន្តរទ្វីប អាមេរិកាំង បានរៀបចំការប្រឡងសញ្ញាបត្រមធ្យមសិក្សាបឋមភូមិ (ថ្នាក់ទី៩) ស្របតាមកម្មវិធីរបស់ក្រសួងអប់រំ យុវជន និងកីឡា ដោយយោងតាមលិខិតលេខ ២៥០២ អយក.កប្រឡ. និងលិខិតលេខ ២៦១៨ អយក.កប្រឡ។

គួរជម្រាបជូនថា សម័យប្រឡងនេះ មានការប្រព្រឹត្តទៅរយៈពេល២ថ្ងៃ គឺនៅថ្ងៃទី១២-១៣ ខែសីហា ឆ្នាំ២០២៤។ មួយវិញទៀត ការប្រឡងនេះ​ ក្រសួងអប់រំ យុវជន និងកីឡា បានអនុញ្ញាតិឱ្យគ្រឹះស្ថានសិក្សាទាំងឡាយ រៀបចំការប្រឡងសញ្ញាបត្រមធ្យមសិស្សាបឋមភូមិ(ថ្នាក់ទី៩) ឆ្នាំសិក្សា ២០២៣-២០២៤ តាមប្រតិទិនប្រឡងរៀងៗខ្លួន។ ក្នុងនោះ សាលារៀន អន្តរទ្វីប អាមេរិកាំង សាខាសែនសុខ បានរៀបចំការប្រឡង ប្រកបដោយបរិយាកាសស្ងប់ស្ងាត់​ មានសណ្តាប់ធ្នាប់ល្អ និងមានសកម្មយ៉ាងស្វិតស្វាញ។

                

សម្រាប់សិស្សានុសិស្ស ដែលមានឈ្មោះចូលប្រឡងនៅក្នុងថ្ងៃនេះ មានចំនួនសរុប ២៦នាក់ ដោយនៅក្នុងនោះ សិស្សប្រុសមានចំនួន ១២ នាក់ និងសិស្សស្រី មានចំនួន ១៤ នាក់។

ហើយឆ្លៀតក្នុងឱកាសនេះផងដែរ អ្នកឧកញ៉ា វេជ្ជបណ្ឌិត គួច ម៉េងលី និងគណៈគ្រប់គ្រងសាលា ព្រមទាំងលោកគ្រូ អ្នកគ្រូ និងបុគ្គលិកគ្រប់ជាន់ថ្នាក់នៃសាលារៀន អន្តរទ្វីប អាមេរិកាំង ក៏បានជូនពរដល់ប្អូនៗសិស្សានុសិស្សទាំងអស់ ឱ្យប្រឡងជាប់ និងមាននិទ្ទេសល្អ នាសម័យប្រឡងក្នុងឆ្នាំសិក្សា២០២៣​-២០២៤ នេះផងដែរ។