សារថ្នាក់អនុវិទ្យាល័យ

លោក ស្តើង សារ៉េត

ចាងហ្វាងរងមធ្យមសិក្សាបឋមភូមិ និងទុតិយភូមិ

សារថ្នាក់អនុវិទ្យាល័យ

ជម្រាបសួរ ​លោក​ ​លោកស្រី​ដែល​ជា​មាតាបិតា​ ​ឬ​អ្នកអាណាព្យាបាល​សិស្ស​ ​និង​បងប្អូន​សាធារណជន​ទាំងអស់​ជាទី​គោរព​រាប់អាន​។​

សូមស្វាគមន៍មកកាន់ សាលារៀន អន្តរទ្វីប អាមេរិកាំង សាខាសែនសុខ !

ក្នុងនាមខ្ញុំបាទ​ជាចាងហ្វាងរងមធ្យមសិក្សាបឋមភូមិ និងទុតិយភូមិ នៃសាលារៀន អន្តរទ្វីប
អាមេរិកាំង សាខាសែនសុខ ពិតជា​មាន​សេចក្តី​សោមនស្ស​រីករាយ​យ៉ាង​ខ្លាំង​សម្រាប់​ការចូលរួម​គាំទ្រ​ និងសហការ​ពីសំណាក់​លោក​ លោកស្រី​ដែល​ជា​មាតា​បិតា​ ឬអ្នកអាណាព្យាបាលសិស្ស ​ដែល​តែងតែ​ពេញចិត្ត​ និង​ជឿជាក់​លើគុណភាព​​ ​វិន័យ  និង​សេវាកម្មប្រកបដោយបរិយាបន្ន ​ក្នុងនោះដែរ ​សាលារៀន​របស់យើងក៏បានពន្លឿននូវចក្ខុវិស័យដោយឈរលើចតុស្តម្ភអប់រំរួមមាន រៀនឱ្យមានចំណេះដឹង ចំណេះធ្វើ សីលធម៌ និងចេះរួមរស់នៅជាមួយគ្នាប្រកបដោយសុខដុមរមនា។ ទន្ទឹម​នឹង​ការ​ជឿជាក់​របស់​លោក លោកស្រី​ ក្រុមការងារ​យើង​ក៏​រឹតតែ​មាន​កម្លាំងចិត្ត​បន្តការ​ព្យាយាម​ និង​អភិវឌ្ឍ​ លើ​គ្រប់​ផ្នែក​នៃ​សាលារៀន​។ សាលារៀន AIS​ ត្រូវ​បាន​ទទួលស្គាល់​ដោយ​ក្រសួង​អប់រំ​
យុវជន​ និងកីឡា​ ព្រម​ជាមួយនឹង​កម្មវិធី​សិក្សាដ៏សម្បូរបែប ​ស្របតាមកម្មវិធីរបស់​ក្រសួង​ផង​ដែរ​។  ទន្ទឹមនឹងនេះ អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិកនៃសាលារៀននេះក៏បានគិតគូរ​ ខ្វល់ខ្វាយ​ពីសុខភាពរបស់ប្អូនៗសិស្សានុសិស្សទាំងអស់ និងបាន​បង្កើត​នូវមជ្ឈមណ្ឌល​សុខភាព​
ម៉េ​ងលី​ ជេ​. គួច​​ សម្រាប់​ពិនិត្យ​ និង​ព្យាបាល​ជូន​ដល់​ប្អូន​ៗសិស្សានុសិស្ស​ និង​បុគ្គលិក​គ្រប់​ផ្នែក។

ជាទីបញ្ចប់ ខ្ញុំបាទតំណាងឱ្យគណៈគ្រប់គ្រងសាលារៀនក៏​សូម​ថ្លែងអំណរអរគុណ​ដល់​លោក​ លោកស្រី​ដែល​តែងតែ​ចូលរួមគាំទ្រ​ និង​ផ្តល់​ទំនុកចិត្ត​មក​លើ​សាលារៀន​យើង​កន្លងមក​ ហើយក៏​សង្ឃឹមយ៉ាងមុតមាំថា​លោក លោកស្រីនឹង​នៅតែ​បន្តការគាំទ្រ និងសហការ​​បន្ថែម​ទៀត​ ។ ខ្ញុំបាទ​សូម​គោរព​ជូនពរ​ដល់​លោក​ លោកស្រី​ដែល​ជា​មាតា​បិតា​ និង​អ្នកអាណាព្យាបាល ​ព្រម​ទាំង​ប្អូន​ៗសិស្សានុសិស្ស​ជាទីស្រឡាញ់​ទាំងអស់​​ជួបប្រទះ​តែ​នឹងសេចក្តីសុខ​ សុភមង្គល សំណាងល្អ​ សុខភាព​ល្អ​ និង​ជោគជ័យ​ក្នុងអាជីពរៀងៗខ្លួន ។

ការអប់រំគឺជាអាវុធដ៏មានប្រសិទ្ធិភាពបំផុតក្នងការកាត់បន្ថយភាពក្រីក្រ និងកែប្រែពិភពលោក។

គ្រូបង្រៀន