កម្មវិធីអបអរសាទរពិធីបុណ្យណូអ៊ែល

កាលពីថ្ងៃ​ទី២៥ ខែធ្នូ ឆ្នាំ២០២៤ កន្លងទៅនេះ គណៈគ្រប់គ្រង​សាលា​រៀន អន្តរទ្វីប អាមេរិកាំង សាខាសែនសុខ បានរៀបចំកម្មវិធីបុណ្យណូអ៊ែល និងកម្មវិធីអបអរសាទរឆ្នាំថ្មី ឆ្នាំសាកល២០២៥ ដែល​មា​ន​ការអញ្ជើញចូលរួមពីសំណាក់លោកគ្រូ អ្នកគ្រូ បុគ្គលិក សិស្សានុសិស្ស និងមាតាបិតា ឬអ្នក​អាណា​ព្យាបាល​សិស្សជាច្រើននាក់ នៅជាន់ផ្ទាល់ដី នៃអគារ​សាលារៀន អន្តរទ្វីប​ អាមេរិកាំង សាខាសែនសុខ។​ នៅក្នុងកម្មវិធីនេះត្រូវបានប្រព្រឹត្តឡើងសម្រាប់ប្អូនៗសិស្សានុសិស្ស ​ពីថ្នាក់​ក្រោមមត្តេយ្យសិក្សា ដល់​ថ្នាក់​ទី១ ក្នុងគោលបំណង ដើម្បីឱ្យពួកគេទទួលបានភាពសប្បាយរីករាយជាមួយមិត្តរួមថ្នាក់ ដោយមានការសម្តែងទេពកោសល្យ​ ការ​បង្ហាញក្បាច់រាំ ការលេងល្បែងកម្សាន្ត និងការច្រៀងចម្រៀងរបស់​សិស្សានុសិស្សតាមកម្រិតថ្នាក់​ផងដែរ។​ កម្មវិធីបុណ្យណូអែលបានបញ្ចប់ទៅដោយភាពល្អប្រសើរ ក្រោមការសហការបានយ៉ាងល្អ ប្រកបទៅដោយភាពស្និទ្ធស្នាល និងមានភាពសប្បាយរីករាយ។