នៅពីថ្ងៃទី០៤ ខែធ្នូ ឆ្នាំ២០២៤ សាលារៀន អន្ដរទ្វីប អាមេរិកាំង សាខាសែនសុខ បានប្រារព្ធពិធីសម្តែងព្រះធម្មទេសនាស្ដីពី “សីលធម៌សង្គមផ្សារភ្ជាប់ និងព្រះពុទ្ធសាសនា” ជូនដល់ប្អូនៗសិស្សានុសិស្សថ្នាក់ទី៧ ដល់ទី១២។ កម្មវិធីសម្តែងព្រះធម្មទេសនានេះ ព្រះសង្ឃបានសម្តែងឱវាទអប់រំសីលធម៌ អប់រំចិត្ត និងរំឭកដាស់តឿនបន្ថែមដល់ប្អូនៗ សិស្សានុសិស្សឱ្យប្រកាន់ខ្ជាប់នូវ សីលធម៌ ការគោរពប្រណិប័តន៍ឱ្យបានល្អប្រពៃចំពោះមាតាបិតាដែលមានគុណបានផ្តល់កំណើត និងទំនុកបម្រុងគ្រប់បែបយ៉ាងដល់កូនបានមករៀនសូត្រ។ មិនត្រឹមតែគោរពប្រណិប័តន៍អ្នកមានគុណប៉ុណ្ណោះទេ ថែមទាំង លោកគ្រូអ្នកគ្រូ និងមនុស្សជាតិទូទៅ ដែលតែងតែអប់រំទូន្មានប្រៀនប្រដៅ និងឱ្យជាដំបូន្មានល្អៗ សម្រាប់ជីវិតរស់នៅប្រចាំថ្ងៃ ។ បន្ថែមពីលើនេះទៀតឱ្យប្អូនបាន យល់ដឹងកាន់តែច្បាស់ពីតម្លៃ នៃការសិក្សាក៏ដូចជាការជំរុញទឹកចិត្តប្អូនៗឱ្យបង្កើនការខិតខំប្រឹងប្រែងយកចិត្តទុកដាក់ស្វាធ្យាយ កុំឱ្យរវាតឃ្លាតឆ្ងាយពីគុណធម៌ និងសីលធម៌ នៅក្នុងជីវិតប្រចាំថ្ងៃ។
/Event/December/monk 02.jpg)
អង់គ្លេស
ខ្មែរ