នាថ្ងៃទី២៧ ខែសីហា ឆ្នាំ២០២៤ សាលារៀន អន្តរទ្វីបអាមេរិកាំង សាខាសែនសុខ បានរៀបចំកម្មវិធីចែករំលែកវិធីសាស្រ្តស្ដីពី "ការប្រើប្រាស់បច្ចេកវិទ្យាAI សម្រាប់គាំទ្រការងារ ការបង្រៀន និងរៀន" ដែលធ្វើបទបង្ហាញដោយលោក លឿង វិបុល ចាងហ្វាងរងមធ្យមបឋមភូមិ និងទុតិយភូមិ។ កម្មវិធីចែករំលែកនេះគឺក្នុងគោលបំណងចែករំលែកចំណេះដឹងអំពីបច្ចេកវិទ្យាថ្មីៗ ការយល់ដឹងពីវេបសាយ និងឧបករណ៍ប្រើប្រាស់សំខាន់ៗដែលគាំទ្រដោយAI ដែលបម្រើ និងជាជំនួយបន្ថែមដល់គណ:កម្មការ និងលោកគ្រូ អ្នកគ្រូ ក្នុងការសិក្សាស្រាវជាវ និងបង្រៀន។​ តាមរយៈការចែករំលែកនេះក៏ជាបទពិសោធសម្រាប់លោកគ្រូ អ្នកគ្រូអាចពង្រឹងបន្ថែមទៅលើកង្វះខាតមួយចំនួនក្នុងការបំពេញបន្ថែមទៅលើកិច្ចការប្រចាំថ្ងៃ ការស្រាវជ្រាវ និងការងារអប់រំទៅដល់លោកគ្រូ អ្នកគ្រូ ក្នុងការយកទៅបន្តចែកជូនដល់សិស្សានុសិស្សដើម្បីក្រេបជញ្ជក់ចំណេះវិជ្ជាពីលោកគ្រូ អ្នកគ្រូ ជាចំណែកជំរុញឱ្យការសិក្សារបស់ពួកគេកាន់តែប្រសើរឡើង។