កាលពីថ្ងៃទី០៩ ខែធ្នូ ឆ្នាំ២០២៤ កន្លងទៅនេះ សិស្សថ្នាក់ទី៩ ធ្វើពិសោធលើមុខវិជ្ជាគីមីវិទ្យា ដែលមានប្រធានបទសី្តពីការកំណត់អត្តសញ្ញាណកម្មកាបូនឌីអុកស៊ីតក្នុងភេសជ្ជៈ ដោយដឹកនាំដោយ លោកគ្រូ សេង វណ្ណៈ នៃសាលារៀន អន្តរទ្វីប អាមេរិកំាង សាខាសែនសុខ។ ការពិសោធនេះអាចដំណើរការទៅបាន គឺត្រូវមានសម្ភារៈមួយចំនួនដូចជា ទឹកកំបោរថ្លា កែវបេស៊ែ ភេសជ្ជៈ ទុយយោសារ៉ូម និង ដបទឹកសុទ្ធ។ ក្រោយការពិសោធអាចឱ្យសិស្ស កំណត់រកវត្តមានកាបូនឌីអុកស៊ីតដែលមានក្នុងភេសជ្ជៈ។ បន្ទាប់ពីលោកគ្រូបានបង្ហាញជូនពីដំណើរការពិសោធ និងបានពន្យល់ណែនាំយ៉ាងលម្អិតរួចមក លោកគ្រូក៏បានធ្វើការបែងចែកសិស្សឱ្យអនុវត្តន៍ផ្ទាល់។សិស្សានុសិស្ស បានសហការក្នុងការចូលរួមអនុវត្តពិសោធជាក់ស្តែង ដោយមានការណែនាំពីសំណាក់លោកគ្រូ និងអ្នកគ្រូជំនួយបន្ទប់ពិសោធ រហូតទទួលបានលទ្ធផលល្អប្រសើរ និងបានសម្រេចវត្ថុបំណងដូចដែលបានរំពឹងទុក។